Ца-ца вирттал лащай,
Ссавний цIурттаха,
Яргну цIай-цIай тIисса,
Лекъашлашисса.
Гайннал був гьунарду,
Душман ххит уван,
Абадлий чивчуссар,
Тарихрал улклуй.
Душмангу ххит увну,
Ватан дуруччин,
Ва бия зул мурад,
Эбратну хьусса.
Дакъассар цичIав нигь,
Тти душманная,
Дирхьуссар зу оьттув,
Зула наслулий.
Хъама къабивтуссар,
Зу був гьунарду,
Паракьатсса оьрму,
Ччай зула оьрчIан!
Абадлий лирчIуссар,
Зул цIарду жучIа,
ДакIурдиву буссар,
Зуясса пахру!
Вирттавраха
© Copyright: Райганат Гайдарова, 2024
Свидетельство о публикации №124082205051
Свидетельство о публикации №124082205051
Рецензии