Агь хиялар ч1улав, залан,
Йугъ-йиф зи кьил кук1варзавай,
Зи рик1икай туш квез аян,
Сад-Аллагьдиз ялварзавай.
Фикирдай кьван галатнава,
Гьатнава хьи са ван кьиле,
Вучиз зун и гьалатдава,
Къураба хьиз жуван к1вале?
Чидачир заз ик1 жедайди –
Даим на зи рик1 недайди,
Дат1ана зи руьгь шедайди…
Куьз ахъайнай за и гъалат1,
Гъалат1 хьанва къе к1вале деб…
Я Рабби, зав це ви мук1рат1,
К1ус-к1усдайвал уьмуьрдин еб.
Агь хиялар ч1улав, залан...
© Copyright: Тамила Хуршидова Салманова, 2024
Свидетельство о публикации №124082003677
Свидетельство о публикации №124082003677
Рецензии