***
Бязи рак1ар ахъайдач гьич гаруни,
А к1валикай катда кьери мугьманни,
Мугьмандиз къвеч багъри хала, халуни,
Гьич кимелни жеч а к1валин дуванни.
Амма ава мугьман хушбур, к1анибур,
Мугьманар я чаз аллагьди гайибур,
Илифариз кесиб к1вални гьазур я,
Сад гайит1а, хкведайди агъзур я.
Динар чара, ч1алар чара хьурай т1ун –
Инсанар я – садаз масад масан хьуй.
Кесиб къула артух к1арас курай т1ун,
Кар алайди – къуй ч1ал чидай инсан хьуй.
Бязи рак1ар ахъайдач гьич гаруни
© Copyright: Тамила Хуршидова Салманова, 2024
Свидетельство о публикации №124082003670
Свидетельство о публикации №124082003670
Рецензии