III. ала пехъер ва пешапаяр

Революциядлай виликан девирда, гзаф марфар къвана
ч1имелар хьайила, рагъ атун паталди са кьусудал
пекер алук1на, рушари, гадайри, сусвари куьчейра
гваз къекъведай ва манияр лугьудай. Абрув гьебеяр,
зенбилар жедай; абру гъуьр, фу, ч1ем, ниси, какаяр
ва маса ихьтин зат1ар к1ват1дай.
 Марф къунин патахъай пешапаяр авуна, абур
к1валба-к1вал гваз къекъведай, к1вал жагъайда
пешапайдал яд эличдай, пешапай гвайбруз жуьреба-жуьре
зат1ар гудай. Абруни и ч1авуз жуьреба-жуьре гафар
лугьудай.

            16. РАГЪ АТУНИН ПАТАХЪАЙ.

А пехъ, пехъ, ала пехъ,
Пехъ ацукьна,ша, чими рагъ.
Ракъар, варцар инухъди,
Цифер-къаяр анухъди.
Амин минариз,
Кьабул урай гъуцари!...

(Кьурагь райондин Хпежай кхьейди я. Июль-1925 йис).

АХЦАГЬА ИК1 ЛУГЬУДАЙ:

А пехъ, пехъ, пелал пехъ,
Пехъ ацукьна, шей, чими рагъ.
Чими ракъар къуькъуьмза,хъипи мухар ригейза.
Йиф укъвалын,
Йыгъ рекъинын,
Амин, рагъ аттый!..

А тав, тав, таварген!
Жи ц1ейи швашвар пперкеза!
Ппалкам ац1ей уьрттеза!
Ккелин регъуь гъериза!
Хпен ц1арар несиза!
Хеб ч1ынанын,
Ч1ын цукквезин,
Йиф укъвалын,
йыгъ рекъинын,
Амин, рагъ аттый!..
Гейида к1вала рагъ,
Ттагайда к1вала ч1агъ!

 (Ахцагьа, Гуьлханум Аллахвердиевадвай Гаджиев
Агъалара кхьейди я. Ноябрь-1940 йис).

Ахцагь райондин Хуьруьга и мани ик1 ава:

А гуьдуь*, гуьдуь, гуьрмеди
Гуьдуь салам вермеди.
А пехъ, пехъ пелал пехъ,
Пехъ ацукьна, шей, чими рягъ.
Чими рекъер нез кканза?
Аялзавай свасварыз!
Мейдан ттылар нез кканза?
Хеб ч1ынанын,
Ч1ын цуьквезин.
Йиф марфазин,
Йыгъ рекъинин.
Амин минарыз,
Кьабул урай гъуцары!..
Гейидан к1веле рягъ хый,
Ттагайдан к1веле чч1агъ хый!

(Хуьруьга, Зуьлейха Гаджиевадвай Гаджиев Агъалара               
 кхьейди я. Ноябрь - 1940 йис).

*Гуьдуь - пехъ, пекер алук1навай кьусу.
Таяр авай хурарыз!