Хаьрцича дай баьхна бlов,
Диллира хlораммо ков.
Нана йац кхин, марахьерча.
Туьллур дац кхин дечиг кхерча.
Садетта кхин боцуш ницкъ.
Кхачийна даймахкахь рицкъ.
Некъ йуьхьарлецира наха,
Сатуьйсуш нийсонехь баха.
Дахкарлахь тийжара кешнаш.
Дацара дог айъа дешнаш.
Вордан тlе йоьттина баккхал
Йацара, бутт новкъахь баккхал.
Хаацара кхочур ду мича.
Лалур дуй къематде, гича.
Буьйсанна шийла дарц хьоькхуш,
Мацалло, махкалло хьоькхуш,
Гlамаршлахь де дайна оьгуш,
Хин къурдах, бепигах хьоьгуш,
Доьлхура гlаларташ дайн.
Белла а, сий лардеш шайн,
Къар ца луш боьлхура нах,
Бовзарна маршонан мах.
Кхалхархой. Йорданерчу, Шемарчу, Турцерчу нохчашна
© Copyright: Джамал Дударов, 2024
Свидетельство о публикации №124080800269
Свидетельство о публикации №124080800269
Рецензии
