Элкъвена мад сефер чилин чарх,
Хкатна цавукай экуьн яр.
Шегьедва атир гуз накьан маргъв,
Ахварай кватзава мегъуьн ттар.
Цифери кьунава деред сив,
Чумбурар чlулав я мередив.
Жигъирдай хъфизвай чlурун сев,
Квахьзава рагарин чlередик.
Виненай, дередин биришдай,
Малум я гъуьрчехъан, шур; хвейи.
Чир жезва кьезилвал еришдай,
Йиф чlичlин зегьметрин буш фейид.
Секин я, гьеле хуьр уях туш,
Тек вацlун ван я къвез япариз.
Вацlни чи уьмуьр хьиз гьич ях туш,
Йиф - югъди я тади кваз катиз.
Кlекерин зил фадлай атlанва,
Кlвалера тек - тек экв куькlуьзва.
Са югъ мад уьмуьрдиз атанва,
Са йиф мад уьмуьрдай хъфизва...
1 - йифериз ничхиррин яд хъваз къведай чка
***
© Copyright: Намик Фарзалиев, 2024
Свидетельство о публикации №124080801978
Свидетельство о публикации №124080801978
Рецензии