КIирисса ссалам
Ссалам гьан буллай бура,
Лаккуй щюлли бизанттахь,
ЦIансса хьхьу чанна дайсса,
НякI ссавний чанна цIурттахь.
Инттухунмай хъя чайсса,
ХъункIултIутIал къупирдайн,
Бургъилух чанна лавхъсса,
ТIутIал бувцIу барзунттахь!
Ссалам вин буттал улчай,
Дяркъу щинал щаращив,
Ардарав марщив, сунну,
Буллугъсса буттал аьрщий!
Щаращул жюржулул дурцIу дакIнива,
Ттул ссалам бияннав ,
БюрхIай къалалийсса,
Изажал рухIрайн.
Бярнил ккурккай бувччусса,
Виричу- РайхIанатлуйн,
Цил уздансса чувшиврул,
Мангъул бири-бат бувсса!
Ссалам гьан буллай бура,
Ттул дакIнил щаращухьхьун,
Буттал Ватандалухьхьун,
Гъумучиял щарнихьхьун!
© Copyright: Райганат Гайдарова, 2024
Свидетельство о публикации №124080603334
Свидетельство о публикации №124080603334
Рецензии