ТРЫМАЙСЯ ЗА НЕБА!
леанід ПРАНЧАК
Калі завея замяце дарогу
Ці шлях размыюць летнія дажджы,
Даверу лёс я свой
На міласць Богу
І папрашу яго: Дапамажы!
Ёсць хлеб і да хлеба,
Ёсць шчасця патрэба,
Нязломная праўда ў апошняй мальбе:
Трымайся за неба,
Трымайся за неба, –
І Бог не пакіне ніколі цябе!
Калі няма надзей на ратаванне
І чэзнуць сілы, нібы міражы,
Жыве ў душы
На Бога спадзяванне.
І я прашу яго: Дапамажы!
Ёсць хлеб і да хлеба,
Ёсць шчасця патрэба,
Нязломная праўда ў апошняй мальбе:
Трымайся за неба,
Трымайся за неба, –
І Бог не пакіне ніколі цябе!
Спазнаў пяшчоту, зведаў боль і горыч,
Збярог ад сцюжы я святло душы.
Мой Бог са мной
І ў радасці і ў горы.
Я веру і прашу: Дапамажы!
Ёсць хлеб і да хлеба,
Ёсць шчасця патрэба,
Нязломная праўда ў апошняй мальбе:
Трымайся за неба,
Трымайся за неба, –
І Бог не пакіне ніколі цябе!
23.02.2023
Трымайся за неба!
© Copyright: Леонид Пранчак, 2024
Свидетельство о публикации №124070602663
Свидетельство о публикации №124070602663
Рецензии
