Гьар сеферда гъам гьатайла рикIе зи,
Сятералди жедай мичIи кIвале зи.
ДакI ацIурай цла бицIи тIвек амай,
КIандачир заз гьамни жизви экв авай.
Сефил рикI хьиз, и кIвални лап мичIи тир.
Сефил рикI хьиз, и кIвални лап ичIи тир.
Экуьйизвай анжах шуькIуь са нурди,
Зи уьмуьрдин мичI тергдай хьиз гапурди.
Геж чир хьана: нур ви патай куьмек тир.
А нурдин экв яргъай атай ви экв тир.
***
© Copyright: Тамила Хуршидова Салманова, 2024
Свидетельство о публикации №124062506128
Свидетельство о публикации №124062506128
Рецензии