***
Не трэба быць за сэрца разумней...
Яўгенія Янішчыц
Разумнымі становімся з гадамі:
Не адкрываем сэрца і дзвярэй,
На свет глядзім крытычнымі вачамі.
Не трэба быць за сэрца разумней!
Ва ўсім шукаем нейкага падвоху,
Сябе мы прымушаем – жыць хутчэй.
Не давяраем часам нават Богу.
Не трэба быць за сэрца разумней!
Ў каханні шчырым бачым ашуканне
І кампліменты лічым за ялей.
А без кахання што? Расчараванне!
Не трэба быць за сэрца разумней!
І вершы часта пішам для прызнання,
Каб там былі і дактыль, і харэй.
А што такое верш? Замілаванне!
Не трэба быць за сэрца разумней!
19. 06. 2024 г.
Разумнымi становiмся з гадамi...
© Copyright: Юрий Боровицкий, 2024
Свидетельство о публикации №124061903146
Свидетельство о публикации №124061903146
Рецензии
