Деллу дубхьну айкIан дюн я?
Деллу дубхьну айкIан
Дюн` я, гъи деллу?
Дявйирин пис женгар
Ккергъна ккудрукIру….
Авара апIури
Му жил` ин халкьар,
КIулиз адагъура
Инсафсуз кьастар…
Багьнийирра
Дихъуру аьрсузариз,
Гъагъиди ву кIур
Инсанар му жилиз…
Шлиз герек ву ичIи
Шагьрарна гъулар?
Гьаз апIури а кур
Бабарин улар?
Вари халкьар албагну
Гъузну ккуниб,
Гьархрайидар артухъ
Шула Дюн` яйиъ…
Ужубра дурарин
Арйириъ гъабхьиб
КкубтIну ккудубкIидира
Дар аьсрариъ…
Умудлу вуза
Жара йигъар гъиди,
Му гъагъи вахтар
Тарихдира учIвди…
© Copyright: Шюшеханум Керимова 2, 2024
Свидетельство о публикации №124052906564
Свидетельство о публикации №124052906564
Рецензии
