Айназ.
Аквазвай физ куьчедайт1уз,
Квар къуьневаз мани лугьуз,
Мехъер к1вализ ятар тхуз,
Рушарикай хкатнаваз,
Вил ацукьнай тек вал, Айназ.
Акур юкъуз мугьмандаваз,
Милиз хъуьрез килигнай заз,
Вил -виле тваз регъуь тир чаз,
Барут хьиз тир, ц1ай чандаваз,
Рик1 ваз гуда, анжах Айназ.
Алакьзавач эвер гуз ваз,
Гуьзетзава ашкъид ц1ай кваз,
Дугъривиляй жезва зурзаз,
Багьа я вун, тушт1ан алмаз,
Лугьуз к1анда, ваз яр Айназ.
Гуда къе ваз са шад хабар,
Мецел ала ашкъид гафар,
Лишан язва кьисмет кьадар,
И дуьньядал бахт жеда чаз,
Зи рик1 я вун, зи чан Айназ.
Айназ
© Copyright: Юсиф Саркаров Кудратович, 2024
Свидетельство о публикации №124052602711
Свидетельство о публикации №124052602711
Рецензии