Апрелдин варз, вуч я ви и гуьзел пlир,
Гиширрин гьар са тав шиир, къезел тир?
Лезги рушан ийервал гва, гьабрузни
На къалхьанва ийервилин белки сирр?
Атанва вун чи мезрейриз, фасатl руш,
Гьинай я ваз сусарив жер и атир?
Вун атайла рикlе иви ргада,
Зи ченеба ашкъи я вун, жечни чир?
Цуькверикай лацу пекер алукlна,
Вун килига, ттарарив гвай такабур!
Шагьвар акьаз лепе гузвай гъвергъверри
Назназ рушар хьиз ийизва вилербур.
Язух ша ваз уьмуьр куьруь инсандин,
Тади жемир фад куьтягь жез, хуьх сабур.
12.04.2024
***
© Copyright: Намик Фарзалиев, 2024
Свидетельство о публикации №124051901270
Свидетельство о публикации №124051901270
Рецензии