***

Чубарукар, чубарукар,
Кlуфа кьуна кьалар, накьвар,
Муг кутазва цлак куьне,
Къяйзава цlийи бине.

Чубарукар, чубарукар,
Агагъзава цlакул, чукал.
Жеда мад са цlийи хзан,
Куьчуьрмуьшна килфет шазан.

Чубарукар, чубарукар,
Чка я квез кьилин кукlвал.
Зи цлакни ша муг кутур,
Хамир куьне зини хатур.

Чубарукар, чубарукар,
Хуьтlуьн давран хьанва кукlвар.
Куьн гатфарин хабарчи я,
Ша, къуй хьурай сувар чина.
29.03.2024


Рецензии