Яран сувар мубаракрай виридаз!
Яран сувар атанва мад, лезги чилер цlаярава,
Кьуд патариз гумар цикlиз, чими шагьвар къаяр ава.
Тlунутlарни иситаяр чранава кайванийри,
Бул суфраяр ахъайнава, самавурдин чаяр ава.
Кlалтlуярни кlаркlачl рушар бармак, чанта вегьиз къугъваз,
Суварар я, кlвалерай гуз абруз бул - бул паяр ава.
Яру цlирхер кутlуннавай хпер, малар сусар хьтин
Акъатзава гъенерай къе, ттарарни гьакl ярарава.
Чlехи - гъвечlи агагъ хьана, цlаярилай гвадариз я,
Дегь чlаварин адетар хуьз бубайри гай къарар ава.
Жегьилвилин гужар амач, няни я, хъфин кlвализ -
Къулан вилел аш - демина, зи рехъ хуьзвай са яр ава.
21.03.2024
***
© Copyright: Намик Фарзалиев, 2024
Свидетельство о публикации №124051901232
Свидетельство о публикации №124051901232
Рецензии