Са гаф лугьун ваз, к1аниди,
Зи кьисметди заз гайиди,
Са зун патал я хайиди,
Зун я ашкъид ц1у кайиди.
Вун чир хьайи гуьзел вяде,
Рик1еллама нянин бере,
Ви к1анивал гьатна хиве,
Дердер амач рик1ин къене.
Ви вилерай гьиссер акун,
Зи бейнида абур гьатун,
И дуьньядай к1анда катун,
Ви рик1е са мягькем чка кьун.
Са гаф лугьун ваз, к1аниди,
Рик1ин сирер заз гайиди,
Руьгьда мани тур ц1ийиди,
Вун к1анда заз, чан къениди.
Ви т1вар хьанва заз - К1аниди,
Гилани це наз, К1аниди,
Ашкъидин лувар, К1аниди,
Вун я зи сувар ,К1аниди.
13.05.2024.
Са гаф лугьун
© Copyright: Нажмудин Шихнабиев 2, 2024
Свидетельство о публикации №124051305717
Свидетельство о публикации №124051305717
Рецензии