Зи секинвал ч1урна вуна,
Вун гьинай я, гуьзел суна?
Лацу чинал ч1улав вилер,
Тек бубу хьиз ргазва хъвер.
Лезгистандин гегьенш чуьллер,
Вуч иер я гуьзел гуьллер,
Абурукай сад- Гуьласрет,
Гуьрчегвилин я вун девлет.
Ашукь хьанва вал,руш, шаир,
Муьгьуббатдин есир факъир,
Гила вучин, гила гьик1ин,
Язух ша зи гьалдин рик1ин.
Заз ачухдиз це дуьз жаваб,
Зун хуш ят1а, тавуна таб.
К1анда заз чи садна сирер,
Шадариз чи кьведан рик1ер.
Гуьрчег къамат гьатна рик1е,
Бубу хьитин къацу ник1е.
Ша рази хьухь вун, Гуьласрет,
Им я ваз зи аман-минет.
07.05.2024.9ч.15 м.
Гуьласретаз
© Copyright: Нажмудин Шихнабиев 2, 2024
Свидетельство о публикации №124050703798
Свидетельство о публикации №124050703798
Рецензии