Кьурагь дагъда са цуьк ава,
Гьадахъ зи вил галама хьи,
Ахьтинди мад тек-туьк ава,
Зи рик1 гьадал алама хьи.
Са цуьк дагъда, садни рик1е,
Ажайиб я дуьньядин деб.
К1анзни-так1анз гьатна рекье,
Яраб вуч хьуй кардин себеб...
Цуьк хьитин руш гьатна рик1е,
Рик1ни туна дагъдин сува,
А рушан т1вар гьатна сиве,
Дегиш хьана руьгьдин гьава.
Кьве кьат1 хьана гьиссерин ц1иргъ,
Цава авай булутар хьиз,
Ягъиз хьанач рушалай тиргъ,
Кана дердер барутар хьиз.
Хьанач закай я дагъдин лекь,
Руш къачуна гъуьрч хьиз тухуз,
Рик1 къудгъуниз, акъатна гьекь,
Килигзава Кьурагь вац1уз.
Кьурагь вац1уз сел атайла,
Ст1ал вац1ни жеда дели,
Мел-мехъериз эл атайла,
Шад жеда чи халкьар вири.
07.05.2024. 3ч.20м.
Вац1ун кьерел хиялар
© Copyright: Нажмудин Шихнабиев 2, 2024
Свидетельство о публикации №124050703683
Свидетельство о публикации №124050703683
Рецензии