Килигзава зун дуьньядиз -
Дуьньядин югъ маса йикь я.
Икl хьайитlа, икl фейитlа,
Крарин гуьгъ маса йикь я.
Гужлуд заифдан ква гъилик,
Асландин кьил къваззамач тик.
Фарагъатдиз къуьрен вилик,
Хьанвай муьтlуьгъ - маса йикь я.
Кlвачин кlан ахквазмач кlекрез,
Амалар чирзава сикlрез.
Гьикlда, вучда чизмач лекьрез,
Патав гвай цlуьгъ маса йикь я.
Хкяй жезмач пабни итим,
Сад хьанава къе ясни дем.
Хквезмач кварцин сивел чем,
Де цlвегьни тугъ маса йикь я.
Мийир, Намик, гафуз къенят,
Дад кумачир, я берекат.
Низ герек я шиир, сенят -
Хьана шулугъ, маса йикь я.
03.02.2024
Маса йикь я...
© Copyright: Намик Фарзалиев, 2024
Свидетельство о публикации №124050403035
Свидетельство о публикации №124050403035
Рецензии