Кьегьал Камидиназ

Махсус серенжемдин женгера кьегьалвилелди телеф хьайи, уьтквемвилин ордендиз лайих хьайи Рабаданов Камидин Ибрагимовичан экуь руьгьдиз (01.01.1981 – 21.10.2023)

Кьегьал Камидиназ

Хайи чили ваз вирина
Лезгивал хуьн буйругъна,
На жуван бурж тамамариз,
Аскервиле къуллугъна.

Уьмуьрдал рик1 алай жаван
Бахтлу хзан кутуна.
Ваз уьмуьрда писни хъсан
Гьахъ-нагьахъ фад акуна.

Аялариз вуна чирдай
Шаддиз къугъваз чуьнгуьрдал. 
Пак мурадар рик1е аваз,
Ашукь тир вун уьмуьрдал.

Ви авазриз яб гуз ширин,
Вири жемят к1ват1 жедай.
Ви манийриз яб гайила,
Вири хуррам, шад жедай.

Душманри гьужумайла
Ислягь чилел Донбассдин,
Ватан хуьз вун хушуналди
Фена, мердвал ваз хас тир.

Амма инсафсуз гуьлледи
Жегьил уьмуьр ат1ана.
Вири хуьруьнбурун рик1ер
Гьайифдивди ац1ана.

Гьамишалугъ гъам амукьна
Хайибурун вилера.
Камидин,мерд кьегьал хьиз, вун
Амукьда чи рик1ера.

Акьул хци, фагьум дерин,
Манийрал рик1 алай жегьил
Хушуналди туьк1уьрна кьил,
Туьнт дяведиз акъатна.
Чиг уьмуьрдихъ галамаз вил,
Багърийривай къакъатна.