Бивк1улул ххяпуща буккан къавхьурив,
Жул щюлли багъраву балайт1и булбул,
Х1айрансса ч1унищал уххай цан къачав,
Ца лах1сса оьрмулул циван ч1а къачав ?
Къабаянт1иссарив утти вил балай,
Жюр жюр т1ий нанисса дак1нил лах1унттайх?
Вил ч1уних мякь хьуний гьавав зунттавун,
Архсса ч1инт1аннарал такьвалий яс чин?
Леххаву т1ут1исса дак1 дур ппив чавай,
Зума т1исса маз бур, к1ура къабаллай,
Къюк1 дур хханххираву, вих хьун къахъанай,
Гульсарамлул балай вич1ан къабаллай!
Я Аллагь булуннав вин ахиратрай,
Алжаннул х1ужралул цалчинсса пукьа,
Х1урулъэнтуравух балай т1ий ина,
Умуд бур, ч1ун дияйх хьунабакьинсса
Фатима Лакия
Гульсарамлул аьпалун
© Copyright: Фатима Абдуллаева, 2024
Свидетельство о публикации №124042102280
Свидетельство о публикации №124042102280
Рецензии