Квадар тавур са шейъинин къадир бажагьат чир жеда,
Къадир течиз ишлемишай шейъининни эхир жеда.
Булвили невс аладарда -
пич1и вил мад ац1уриз жеч,
Хазинадин к1унт1ал алаз,
уьмуьр яван, пехир жеда.
***
ЯХЦ1УР ЮГЪ
Вич вичиз я бег, вич вичиз я хан,
Дегишвал авач, къайда я вичин.
Гьик1 к1ант1ани лагь, къведайди туш ван,
Гьамиша яру, регъуь тежер чин.
Ч1уру крарал тир даим мачгъул,
Табни чуьнуьхун я адан яракь.
Гайила вичиз авачир акьул,
Яб акал тийиз фида са къвалахъ.
Чуьнуьх гумбат1ан уьмуьр – яхц1ур югъ,
Хабар авачиз гьатда ракьара.
Рагъ авай юкъуз къвада кьилел юргъ,
Гьаданни яхц1ур жеда мукьвара.
***
© Copyright: Тамила Хуршидова Салманова, 2024
Свидетельство о публикации №124041905887
Свидетельство о публикации №124041905887
Рецензии