Гьажи Давуд

Пехъи душман атайла
Абад Лезги чилерал,
Чи бубайри шумудра
Акьалжайд я кьуькверал!

Шумуд ягъи ялна хьи
Чпин пичIи невсери,
Басрухар гуз хьанай чаз
Туьркерини персери.

Чи аранриз акъатна
Къизилбашар – вагьшияр.
Чи эллериз гуз хьана
Абуру гзаф тадияр.

Душманд хура акъваздай
Кьегьал хьунухь умуд тир.
Лезги кьушундин кьиле
Хьайиди Гьажи Давуд тир.

Лезги чилер азадна
Дербентдилай Араздал –
Шабран, Худат, Шемахи…
Ам Тебриздал акъвазна.

Амма къуват тIимил тир
Пуд пачагьдин къилавдик.
Къавкъаз, цIай квай къажгъан хьиз,
Ргазвай пуд ялавдик

Пуд къуватдин арадай –
Персдин, Туьркдин, Урусдин
Ада Урус хкягъна,
Диндиз тушир турусди.

Амма теклиф Давудан
Кьунач урус пачагьди.
Куьмек гуда лагьана
Туьрк султанди гьасятди.

Ахпа къуват акурла
Жезвай Лезги ватандин,
Мугьман есир яз кьуна
Фендигар тир султанди.

ИкI авара туьркери
КIудна Лезги Ватанни.
Кьегьал Гьажи Давудни
Кутуна бед буьгьтандик.

Амма санлай къарагъда
Садан эвез шумудар.
Лезги чили мад хада
Шарвилияр, Давудар!




ГЬАЖИ ДАВУД

Пехъи душман атайла
Абад Лезги чилерал,
Чи бубайри шумудра
Акьалжайд я кьуькверал!

Шумуд ягъи ялна хьи
Чпин пичIи нефсери,
Басрухар гуз хьанай чаз
Туьркерини персери.

Чи аранриз акъатна
Къизилбашар-вагьшияр.
Чи эллериз гуз хьана
Абуру гзаф тадияр.

Душманд хура акъваздай
Кьегьал хьунухь умуд тир.
Лезги кьушундин кьиле
Хьайид Гьажи Давуд тир.

Лезги чилер азадна
Дербентдилай Араздал –
Шабран, Худат, Шемахи…
Ам Тебриздал акъвазна.

Амма къуват тIимил тир
Пуд пачагьдин къилавдик.
Къавкъаз, цIай квай къажгъан хьиз,
Ргазвай пуд ялавдик

Пуд къуватдин арадай –
Персдин, Туьркдин, Урусдин
Ада Урус хкягъна,
Диндиз тушир турусди.

Амма теклиф Давудан
Кьунач урус пачагьди.
Куьмек гуда лагьана
Туьрк султанди гьасятди.

Ахпа къуват акурла
Жезвай Лезги ватандин,
Мугьман есир яз кьуна
Фендигар тир султанди.

ИкI авара туьркери
КIудна Лезги Ватанни.
Кьегьал Гьажи Давудни
Кутуна бед буьгьтандик.

Амма санлай къарагъда
Садан эвез шумудар.
Лезги чили мад хада
Шарвилияр, Давудар!