Пашман я зи хайи ватан,
КIватна цлар, дестекар...
Акваз зи рикI жезва хьи къван,
Катна инай берекат...
КIамун йицин шуршурдани
ТIал ава чи дердерин.
ЦIийи макан жагъурдани,
Геле гьатна рекьерин?
Япараваз булахрин ван,
Дагъдин чIурал хкаж жез,
И дагъларал хкведа чан,
ТакуртIа чун акIаж жез.
Дагъларин ван япарава:
«Къадир авай велед хьухь.
Ви диб, макан дагъларава,
Дерт аквадай белед* хьухь!»
Ухулриз
© Copyright: Тамила Хуршидова Салманова, 2024
Свидетельство о публикации №124040603937
Свидетельство о публикации №124040603937
Рецензии