***
КIанидан чан малайикдин ватан я,
А ватанда ава уьмуьр заз кIани.
КIанидан мез шербет авай фейжан я,
Гьар са чIавуз ашкъидивди хъваз кIани.
Адан къужах заз женнетдин варар я,
Румар гузвай зи ашкъидин гьевесдиз.
А къужах зав лув гуз тадай лувар я,
Гагь леледиз элкъведай, гагь кьефесдиз.
Гагь гъуьрч я зун, гъуьрчехъан яр гелевай,
Кьасухдай зун гьахьда адан камуна.
Ярдин ашкъи – бахтунин нур пелевай,
Гьатнава зун гьа ашкъидин гъамуна.
К1анидан чан малаикдин ватан я
© Copyright: Тамила Хуршидова Салманова, 2024
Свидетельство о публикации №124040407955
Свидетельство о публикации №124040407955
Рецензии