Экуь дуьнья мичIи жезва, вун кис хьайила,
Мукьув кIандай, гъил кьадайвал, ваз пис хьайила.
Дарихвилер, тIалар-квалар тухудай гару,
Аял ч1авуз хьиз, вун хурув игис хьайила.
Дердер авай зи вилерай накъвар чкIизва,
Ваз чар кхьиз кIан хьайила, гьарфар чкIизва.
Авачни ваз са хабар зи сефилвиликай,
Зи хиялра, къукърум ягъиз, цавар чкIизва.
Гьик1 кхьида кузвай гьиссер лацу кагъаздал,
Ви кьеп1инин хуш лайлаяр ширин аваздал?
Даим сагъ я дидед рик1е балайрихъ гьиссер,
А гьиссер гваз душманд хура уьтквем акъвазда.
Сабур кьуна къе акъвазда дидейрикай гьим,
Дуьньядикай хьанвайла къизгъин дявейрин ким?
Дявекарриз гьинай чир хьуй дидед рик1икай,
Акъаж хьанвай, гуя т1арам тир чуьнгуьрдин сим?
Дяведавай баладиз дидедин ялвар
© Copyright: Тамила Хуршидова Салманова, 2024
Свидетельство о публикации №124040305086
Свидетельство о публикации №124040305086
Рецензии