Гьар сеферда дидеди
Туьмбуьгьзава заз
Я хва,кьилел алук1 на
Мекьи жеда ваз.
-Алук1 тавурт1ани за,
Диде чан, бап1ах,
Чи кьилел хьуй гьамиша
Ч1ехи тир Аллах (гь)
Зи женжелвилин хесет
Хуш туш дидедиз:
-Кьец1ил к1вачер гваз вун, хва,
Фимир куьчедиз.
-Зат1ни жедач к1вачериз,
Ят1ани кьец1ил.
Зи к1вачериз даях я
Зи ватандин чил !
Туьмбуьгьзава дидеди
© Copyright: Тамила Хуршидова Салманова, 2024
Свидетельство о публикации №124040207424
Свидетельство о публикации №124040207424
Рецензии