Чи халкьарик ква са хесет,
Ч1арч1икай чукьван ийидай.
Бязи хуьре ава адет,
Гачалдикай хан ийидай.
Гьарма садахъ вичин мурмур,
Рахада, жез мецел куркур.
Лашуникай вичин какур
Пайгардин дуван ийида.
Йикъа ц1удра гуда салам,
Рахада сив, ч1уриз калам,
Вац1уз гьахьда, течиз улам,
Кесекдикай къван ийида.
Садаз гуда буйдикай пай,
Амма сивиз гуз жеда къай,
Варлудакай кьаз вичиз тай,
Гьар кепекдиз "чан!" ийида.
Къекъведайла тваз кьама ял,
Ихтибариз жеч вичел мал,
Ягъиз яйлухдин п1ип1из т1вал,
Жерягь жез, дарман ийида.
Сулеймананди и къайда,
Тамила, ваз жедач файда.
Садлагьана хьайи пайда,
Ви бейтери ван ийидан?
Ст1ал Сулейманан жуьреда
© Copyright: Тамила Хуршидова Салманова, 2024
Свидетельство о публикации №124040207348
Свидетельство о публикации №124040207348
Рецензии