Шиирар туьк1уьриз, кхьиз йифериз,
За уьмуьр акъудна куь т1алар галаз.
Азраил атайт1а тухуз, эвериз,
Зун суруз авудрай зи ч1алар галаз.
К1ват1 хьана багърияр, зи мукьва-кьили,
Тухуда, къуьнерал зун кьуна фида.
Мягьфедик хк1амир, кьабулдач чили.
Куь ч1уру ниятар квез туна фида.
Зун сагъ тир вахтунда тавурбур гьуьрмет,
Захъ шедай кьасариз, нагъв гъимир вилел,
Куь са пер накьвни заз тахьурай кьисмет,
Заз дагълар алай хьиз жеда зи винел.
Зун квевай къакьатна жедайвал секин,
Зи т1вар мад хкьамир,тахьуй куь мецел
Рахунар хъсанбур, къастар тир чиркин.,
Куь мецел жедалди, хьуй сурун къванцел.
Захъ шедай кьасариз, нагъв гъимир вилел...
© Copyright: Тамила Хуршидова Салманова, 2024
Свидетельство о публикации №124040207312
Свидетельство о публикации №124040207312
Рецензии