***
Гафаралди лугьуз тежер тIал эхзава зи чанди,
Я рахазвач, я зенг кьазвач, гьинва бала, масанди?
Чизва яц1а авайди вун гьа инсафсуз дяведин,
Вакай фикир ийидай кьван рик1 кузва хьи дидедин.
Хазва, хуьзва чиг балаяр дидейри кваз умудар,
Амма къаних дяведин ц1у туькьуьнзава шумудар!
Вучда чакай, иладрикай, патав тежер герек къуз,
Рик1и лепе гузва, к1ан я алакьдай са куьмек гуз.
Лугьумир хьи, дишегьли я, дидедлай вуч алакьда?
Дидедин мез, дидедин гаф, бала, зурба яракь я.
Дидедин рик1, женгинавай бала хуьдай къалхан я,
Адан рик1ин ялав душман къирмишдай ц1айлапан я.
КIандай хьи заз - жен женгера, тамам жинжигар хьана.
Лап цавариз акъуддай за душман, кьулан тар хана.
Чи балаяр асланар я, хайи аслан дидейри,
Т1ем гайид я чи рухвайри шумудни са дявейриз.
Умудар ква: мукьвара куьн гъалибвал гваз хкведа,
Куь иладар, квелай рази, дамахар кваз къекъведа.
Рик1ин гьарай
© Copyright: Тамила Хуршидова Салманова, 2024
Свидетельство о публикации №124033107792
Свидетельство о публикации №124033107792
Рецензии