Дуьнья ислягь дуьнья жедай

Шемшир Магамедов
Эвел кьиляй чир хьанайтIа
Дуьнья ислягь дуьнья жедай
Виридахъ сад сир хьанайтIа
Дуьнья ислягь дуьнья жедай

Аял рекье дуьз тунайтIа
Алчах касдин туьд кьунайтIа
Халкьарихъ гьуьрмет тунайтIа
Дуьнья ислягь дуьнья жедай

Са чIал рахар мез хьанайтIа
Гьалал тир фу нез хьанайтIа
Аллагь рикIел къвез хьанайтIа
Дуьнья ислягь дуьнья жедай

Бубайри чаз кьадайтIир кьин
Гьуьрмет берекет я кIвалин
ШейтIанрихъни хьанайтIа дин
Дуьнья ислягь дуьнья жедай

Ашукь Шемшир ягъиз чуьнгуьр
Дуьньядикай ийиз фикир
Авай касдиз дуьньяд кьадир
Дуьнья ислягь дуьнья хьурай


© Copyright: Шемшир Магамедов, 2024
Свидетельство о публикации №124032806851
Список читателей / Версия для печати / Разместить анонс / Заявить о нарушении
Другие произведения автора Шемшир Магамедов
Рецензии
Написать рецензию
Другие произведения автора Шемшир Магамедов