Са шаирди заз авуна туьгьмет:
-Туькьуьл я пара ви ч1алар, гьелбет.
-Сефилбур я ви гафар,- лагьана.
-Дегиш ая ви гьалар,- лагьана.
-Жуван хъиредай экъеч1,- лагьана.
-Ц1ийибур кхьиз эгеч1,- лагьана.
Авайвал лугьун , ийидач за таб,
А касдиз гудай гьатнач заз
жаваб.
Хъиреда ч1уру бук1уш ават1а?
Гьардаз кутугай кук1уш ават1а?
Ни авурт1ани шииррин дуван,
Зун амукьрай гьа хъиреда жуван.
Са шаирди, заз авуна гьуьрмет,
Гана шиирриз, за кхьей, къимет.
- Деринбур хьурай, лагьана, гафар,
Хъуьт1уьн мекь - т1имил, гзаф жен гатфар.
Экъеч1 хъиредай ч1аларин кесиб,
Кьакьан илгьамдин хьухь азад сагьиб.
- А касди лагьай заз хъире вуч я,
Им зи рик1 яни, хуьр яни, дуьнья?
Гьик1 экъеч1да зун къеневай рик1яй?
Гьиниз катда, лагь, зун жуван хуьряй?
Зун азад я хьи кьефесдин къене,
Кьефесдин т1валар кьат1дани куьне?
Шиирриз къимет
© Copyright: Тамила Хуршидова Салманова, 2024
Свидетельство о публикации №124031505057
Свидетельство о публикации №124031505057
Рецензии