Къе рикI тIимил зайиф я зи,
Къекъвезва са дармандихъ.
Чандавайди гьайиф я зи,
Акатай хьиз дувандик.
Зи хурун синтI хьанва тIвек-тIвек,
Налугьуди, суьзек я.
Квахьнава нур, вилерин экв,
РикI амачиз гьелек я...
Бед хиялри гузва заз тIуш,
Мад фикир зав гумай туш.
А квез чидай гумрагь тир руш
Фадлай кьена, амай туш.
Дар жигъирра къекъвезва зун,
АкьалтI тийиз фикирар…
Гаралаг хьиз элкъвезва зун,
Гаруз ийиз зикирар.
Къе рик1 т1имил зайиф я зи
© Copyright: Тамила Хуршидова Салманова, 2024
Свидетельство о публикации №124031505046
Свидетельство о публикации №124031505046
Рецензии