Вун ава цава, зун - цавун к1аник,
Ви багьа къамат къвазнава вилик.
Къвез-хъфиз: Хийир, я Сагърай талгьуз,
И сефил йифе тазва зун ялгъуз.
Зи язух атай лугьузва вацра:
-Мийир т1ун на вун ик1 вара-зара.
Жуван дердер на рик1е хуьх даим,
Гьич са напакда тийирвал къийим.
Нагъв хьиз михьи я вун нурдин вилик,
Ви гарданда нур хьурай зар-питик.
Ада хуьда вун бед фитнедикай,
Ада азадда нягьс чефтедикай.
Къедлай и питик жувахъ галаз твах:
Вун чилел бенде, зун - цава, ви вах.
Вун ава цава, зун-цавун к1аник
© Copyright: Тамила Хуршидова Салманова, 2024
Свидетельство о публикации №124031505008
Свидетельство о публикации №124031505008
Рецензии