Хабиб Нурмагомедоваз

Шемшир Магамедов
Дагъустандин хатI я вун
Халкьарин са ратI я вун
Уьлкведин тIаратI я вун
Хабиб Хабиб нур Хабиб

Къилихрал михьи инсан
Дуьньядиз акъудна ван
Мегькем хьурай мадни чан
Хабиб Хабиб нур Хабиб

Хьанач валай викIегьди
Са-сад къвазна метIелди
Аллагьди гуй мекелди
Хабиб Хабиб нур Хабиб

Гьайванар на муьтIуьгъна
Пагьливанар къецуьгъна
Сев аял хьиз эцуьгъна
Хабиб Хабиб нур Хабиб

На жейрандин нек хъвана
Асландин жуьрэт хьана
Ватандин къимет хвена
Хабиб Хабиб нур Хабиб

Дагъ хьана вин гьунарар
Михьи бур яз хиялар
Чирна викIегь амалар
Хабиб Хабиб нур Хабиб

ЭкьечIда женгиниз тек
Кьилел вин лацу бермек
Чинай чаз акьвазва экв
Хабиб Хабиб нур Хабиб

Вун хьтин хва багьа я
Ин шиир ваз дуа я
Шемширан хуш гьава я
Хабиб Хабиб нур Хабиб


© Copyright: Шемшир Магамедов, 2024
Свидетельство о публикации №124031006646
Список читателей / Версия для печати / Разместить анонс / Заявить о нарушении
Другие произведения автора Шемшир Магамедов
Рецензии
Написать рецензию
Другие произведения автора Шемшир Магамедов