Заз манияр лугьуз кIан я
Чуьнгуьрдин ширин аваздал
Гуьзел суна вун зи чан я
Чим гудай серин аяздал
Ачух хьана экьечIда зун
Вин гьавадал ашукь гада
Акур чIавуз эгечIна вун
Сир тагана за гьикI тада
Хкаж са ван сес атурай
Билбил таран гатфар кIени
Муьгьбатди цуьк акъудрай
Ашкъи авай гафар къени
Ви жуьрэтди зун кузава
Акъуд тежез сирералди
Хиялри зи лув гава
КьатIун тежез вилералди
ЭкьечIайлай ам межлисдал
Акун вичин тан зирек я
Мани лугьун патан ширин
Чуьнгуьрдин хуш ван герек я
Кьве кIенидан пак гьевесди
Шадвал гъида куь мегьледал
ЭкьечI кьуьлиз рушни гада
Мегьемедан тек зуьрнедал
Ашукь Шемшир хкаж са бенд
Гуьгьуьл шад хьурай жегьилрин
Савда ятIа ям мекъерин
Ачух хьурай бахт рикIерин
КIан я
© Copyright: Шемшир Магамедов, 2024
Свидетельство о публикации №124031006431
Свидетельство о публикации №124031006431
Рецензии