Фагьум ая гьурметдайлай на хъсан
Ам сик1 яни лелев яни ам аслан
Ам лам яни ам киц1 яни ам инсан
Эхирда вун пашман тахьуй авурдал
Сик1 агатда амалрал вун алцуриз
Лелев жеда гьамиша вун кьацуриз
Гьуьрмет ая на асландин абурдиз
Эхирда вун пашман тахьуй авурдал
Къулугъ авур киц1ни гзаф хата я
Лам хьтиндан гьамиша вун хура я
На лугьумир инсандиз ам пара я
Эхирда вун пашман тахьуй авурдал
Гьикьван шумуд алцурна ин тегьердал
Менфят къачуз вин намусдин бегьердал
Къимет гумир сев хьтиндаз бедендал
Эхирда вун пашман тахьуй авурдал
Вучда вуна къилихар я ганавай
Вуж хьана лагь ин амалрал диганвай
Ашукь Шемшир ихьтин вакъи хьанавай
Эхирда зун пашман хьанва авурдал
Къимет тахьун
© Copyright: Шемшир Магамедов, 2024
Свидетельство о публикации №124030107705
Свидетельство о публикации №124030107705
Рецензии