Думка-песня арлянятам
Узлятае ў вышыню.
Весялушкаю зацятай
Разрывае цішыню.
Гэта песня як прызнанне,
Споведзь чыстае душы.
Як трыснёга калыханне,
Заспяваеш – не грашы!
Песня – радасць, песня – байка,
Сэрца шчырага наказ.
Плача, ные балалайка –
Жальба, што не напаказ.
Песня – добрая гаворка,
З ёй размову павядзі.
Стан калі твой надта ж горкі,
Песню-скруху завядзі.
Думка-песня арлянятам
Хуткі набярэ разгон.
Весялушкаю зацятай
Сэрца забярэ ў палон.
Думка-песня
© Copyright: Татьяна Цыркунова, 2024
Свидетельство о публикации №124022101965
Свидетельство о публикации №124022101965
Рецензии