Бахтсуз уьмуьр зи шиирдин ц1ар хьана

Бахтсуз уьмуьр зи шиирдин цIар хьана,
Экуь дуьня гьам мичIи, гьам дар хьана,
Кьисмет, вуна пай гана заз Саядан,
Цуькведамаз кайи зи рикI тIар хьана.

Пагь, и чилел гьикьван хьана бахтсузар,
Жегьил уьмуьр ийиз куьруь вахтсузар.
Бахтарилай гзаф хьайтIа инадар,
Вири уьмуьр чIалар жеда агьузар…

Анжах гьахъвал зи шиирдин цIар жеда,
РикIе анжах Алпандин пак цIай жеда.
Сив цвайтIани, рикIяй фида баядар,
Зун къирят я, анжах шивцин тай жедай. 

Зи цIарари, нефесзавай сефилдиз,
Туьнт женгинин везин гузва кфилдиз.
АцIай буьвел ийизва зи авадар,
Ахъай тийиз цIалцIам гафар гуьгьуьлдиз.

Кудай цIарар кIандачир хьи шиирда,
Кутугнавай ишелдани, шийирда.
АвачтIани захъ а кьакьан савадар,
Зи гафарин сел твазва за хийирда.




.                х    х     х
Четин уьмуьр зи шиирдин цIар хьана,
Гьикьванбуруз экуь дуьнья дар хьана,
Кьисмет, хьана абуруз пай Саядан,
Цуькведамаз кайи рикIер тIар хьана.

Пагь, и чилел гьикьван хьана бахтсузар,
Жегьил уьмуьр  куьруь хьайи вахтсузар.
Бахтарилай гзаф хьайтIа инадар,
Шад йикъарлай артух жеда агьузар…

Анжах гьахъвал зи шиирдин цIар жеда,
РикIе анжах Алпандин пак цIай жеда.
Сив цвайтIани, рикIяй фида баядар,
Зун Къирят я, анжах шивцин тай жедай.


За цIарара, нефесзавай сефилдиз,
Туьнт женгинин везин твада кфилдин.
АцIай буьвел ийида зи авадар,
Туна цIалцIам гафар жуван гуьгьуьлда.

Кудай цIарар кIандач хьи заз шиирда,
Кутугнавай ишелдани, шийирда.
АвачтIани захъ а кьакьан савадар,
Зи гафарин сел твазва за хийирда.