Зи пакама эгечIзава,
уьуьйрилай кIекерин.
Ахпани рагъ экъечIзава,
ал ранг ягъиз цифериз.
Сад-Аллагь, заз къадир ава
вуна гузвай вахтунин.
Белки, са вахт жеда адак
нур авай зи бахтунин.
Са кар кардин арадаллаз,
алукьна зи нисини.
Шукур Аллагь, суфрадалла
лаваш фуни, нисини.
Умуд кутаз шадарзава
Зун руша, кьве хцини.
Гагь акI жеда, кьунва фири
За балкIандин – вахтунин,
Белки, геж-фад нур кьада за
Зи ракъинин – бахтунин.
Хъфизва рагъ, ялар ягъиз,
Акахьзава яргъандик,
Эхъенарин камар ягъиз,
Алукьзава рагъданни.
ЧIулав шивни галатнава
ЧIулав йифен вахтунин.
Мус ахваркай хкатдат1а,
Лацу шив зи бахтунин?
Зи пакама эгеч1зава...
© Copyright: Тамила Хуршидова Салманова, 2024
Свидетельство о публикации №124021708493
Свидетельство о публикации №124021708493
Рецензии