Эгер ваз Ватан чизмачтlа,
Хару сенят,чан чизмачтlа.
Муьгьуббатдин сан чизмачтlа,
Алад агат,вун лап мукьув,
Шаирдивай на хабар яхъ!
Хайи чlал ваз кlан хьаначтlа,
Жуван дувул ван хьаначтlа,
Улуб,гунуг,чан хьаначтlа,
Алад агат,вун лап мукьув,
Шаирдивай на хабар яхъ!
Рикlе къени кар авачтlа,
Кlвализ хуьквер вар авачтlа,
Лезги хуьре сар авачтlа,
Алад агат,вун лап мукьув,
Шаирдивай на хабар яхъ!
Жигъир кlвачи атlаначтlа,
Дагълара вун къекъвеначтlа,
Дуьньядилай элкъвеначтlа,
Алад агат,вун лап мукьув,
Шаирдивай на хабар яхъ!
Шаирди хьиз кьатlузвачтlа,
Лезгидин гьал аквазвачтlа,
Тlебиат вав рахазвачтlа,
Алад агат,вун лап мукьув,
Шаирди ваз лугьуда!
Шаирдивай хабар яхъ!
© Copyright: Марьям Алискерова, 2024
Свидетельство о публикации №124021704778
Свидетельство о публикации №124021704778
Рецензии
