Ин дуьнья вич тек са кIвал я куькIуьрай
Са хзан хьиз вири элдиз туькIуьрай
Гум галачир вуч ялав я туьхуьрай
Аллагь сад яз ара чIурна халкьарин
Укуматар сад садакай пай хьана
Урус бендер Япония Китай хьана
Гегьенш чилел ийир тийир зай хьана
Аллагь сад яз ара чIурна халкьарин
Лезги Авар Дарги Чечен лугьумир
Ният кьацIай касдив миллет вугумир
Халкьдин къене кур инсан яз къекъвемир
Аллагь сад яз ара чIурна халкьарин
Хзанрихъни жеда гьахьтин гъалатIар
Пай тежез кIвал авай къажах алатар
Куьз герек я гьахьтин девлет манатар
Аллагь сад яз ара чIурна халкьарин
Гьат тавурай гьич са касни кIевера
Стха вах я ан чIавуз вин эвера
Куьрпе аял секин тазмач кьепIера
Аллагь сад яз ара чIурна халкьарин
Ашукь Шемшир ихьтин мердвал низ къведа
Ин хуш чIалар михьи мермер низ твада
Худад патай зи риваят сир жеда
Аллагь сад я ара чIурмир халкьарин
Гьайиф дуьнья
© Copyright: Шемшир Магамедов, 2024
Свидетельство о публикации №124021607349
Свидетельство о публикации №124021607349
Рецензии