Четин Тушни

Шемшир Магамедов
Ин дуьньядин гьални авгьал
КьатIун тавун четин тушни
Инсанрал къе гъизвай завал
Акун тавун четин тушни

Багърийрал жезмач ихтибар
ГьакI кьуншияр жен фендигар
Къе чун гьатай ихьтин йикъар
Акун тавун четин тушни

Гьакьлудан гаф батIул ийиз
Нагьакьдан чIал кьазва виниз
Дуьзвал хуьдай са кас вилиз
Акун тавун четин тушни

Югъ кьандавай жезва бетер
Дуьньядикъ амач са кефер
Душмандин акъудна вилер
Акун тавун четин тушни

Ашукь Шемшир гьикьван фикир
ЧIугваз халкьар хьанва есир
ГьикI жедатIа къведай эсир
Акун тавун четин тушни


© Copyright: Шемшир Магамедов, 2024
Свидетельство о публикации №124021206899
Список читателей / Версия для печати / Разместить анонс / Заявить о нарушении
Другие произведения автора Шемшир Магамедов
Рецензии
Написать рецензию
Другие произведения автора Шемшир Магамедов