Чидачир заз гатфарни гад,
Муьгьуьбатдин чидачир дад.
На авуна зун даим шад
Илгьамдин меж хъвайиди.
Чир хьанач заз вун къведай вахт,
ХьанайтIа зун агакьдай вахъ,
Гила кьванни фад зи гъил яхъ,
Икьван геж чир хьайиди.
Бахтни вахт куьз юлдашар туш,
Уьмуьрдин рехъ жедайвал хуш,
Вахтунивай сагъ жедай туш,
Бедбахтвили кайиди.
Гъил фидалди кьурана цуьк.
Цуьк такуна цIрана рикI.
Гила уьмуьр акъудда гьикI,
Уьмуьр бада фейиди?
Керчек я: туш ахвар, я мах,
Чун ашкъидин я кьвед – кьве вах,
Вакай, билбил, хьана даях,
Гьиссериз рехъ гайиди.
Билбилдиз
© Copyright: Тамила Хуршидова Салманова, 2024
Свидетельство о публикации №124021005416
Свидетельство о публикации №124021005416
Рецензии