Балк1анраллаз чамар ядай,
Гуьрчег девир хьайиди тир,
Инсанрини капар ядай,
Чамарчийриз чпиз к1ани тир.
Зуьрнедин ван галукьайла,
Чамар балк1ан дири жедай,
Пурар вичел алук1айла,
Гьайван хвешиз дели жедай.
Гарданда келегъа аваз,
Акъвазай вун пендал ч1авуз,
Тарат1рин юкьва къугъваз,
Къудгъунариз жедай цавуз.
К1вачерив кьуьл ийиз тадай,
Гьазур хьана, чамар ягъиз,
Кьенер бушун бес тир - катдай,
Гуьлледилай зарб элягъиз.
Акатнава вилик куьрен,
Акъатнава каф жендекдиз,
Ц1ай хьиз кузва к1вачел леэн,
Лайих балк1ан я адетдиз.
Чамар балк1ан,чамар балк1ан,
Вун мехъерин чи абур тир,
Гьуьрмет амач ваз мад, гьайван,
Чамарчидин вун сабур тир.
09.02.2024.
Акунан квез чамар балк1ан
© Copyright: Нажмудин Шихнабиев 2, 2024
Свидетельство о публикации №124020900995
Свидетельство о публикации №124020900995
Рецензии