Дишегьлидин вуч залан я кьисмет,
Малдал хьиз адал эцигда къимет.
КIантIа алатай, кIантIа и девир,
Бахт паталди туш язухдин уьмуьр,
Низ кIантIани хьуй – залай алатуй,
Гайи чкадай кьулухъди тахтуй!
Хак хьиз мягькем хьуй фейи чкадал,
Фуъ тIуьртIани лап ивидин фурал.
Бахта-бахт хупI я, гьалтайтIа инсан,
ТуькIуьриз жедай гьам кIвал, гьам хзан.
Вуч авурай бес, гьалтайтIа бедрягь,
Пис-хъсан течир, квадарнавай ягь,
Хъваз гьатнавайди, агъузардай кьил,
Гаф лагьай папал хкаждайди гъил,
КичIе-регъуьди авачир хуьре,
Анжах вич акун – къал жедай кIвале?
Лап кьуьзуьдак хьиз квайди вичик кьуьтI,
Яргъи йифера къугъвадай муьруьтI,
Кьалу ийидай касвилин чешме,
Веледриз къалур тежер дуьз чешне.
Гъуьлуьз гудайла, буба, руш жуван,
Тухумдиз килиг, вуж ятIа жаван.
Къени инсан хьуй, гвай адалат, гьахъ,
Гьахьтин касдикай, буба, езне яхъ.
Дишегьлидин вуч залан я кьисмет
© Copyright: Тамила Хуршидова Салманова, 2024
Свидетельство о публикации №124020608366
Свидетельство о публикации №124020608366
Рецензии