Вуч суал я: «Лагь вуна заз вуч гана,
Ви патай заз къайивилер бул хьана?»
– Фенач хьи вахт гьак1 гьавайда пуч хьана:
За ваз туьк1вей берекатдин къул гана.
Гьар жуьредин четинвилер алудна,
Гатфарар физ, гатар шумуд агудна.
Къаяр-мекьер эхна, хъуьт1ер акъудна,
Бегьердивди к1ат1ар ац1ай зул гана.
Гьулдан хьана, ийиз тунач илихар,
Мягькем кьуна за жув хуьзвай къилихар,
Тухванач жув, кутадайвал синихар,
Къелемдиз т1ур гудайвал, ваз т1ул гана.
Аллагьди чаз веледар бес гьик1 гана,
Квазвай чпик инсанвилин хесетар?
Зун хандин руш туш хьи авай девлетар,
К1вал-хзандиз вири уьмуьр, рик1 гана!
ВУЧ СУАЛ Я?..
© Copyright: Тамила Хуршидова Салманова, 2024
Свидетельство о публикации №124020608343
Свидетельство о публикации №124020608343
Рецензии