Бязибуру ажеб аладариз мез,
Хъуьтуьларда вун, кIвахиз тарифар.
Ахпа ви кьулухъай жеда якIар нез,
Вун кIандай хьиз, гуда пулсуз теклифар.
Чан-чан лугьуз, "чан хва", "чан вах", "чан бала",
Тухардайбур мили, верцIи гафарал,
Лугьудайбур: "Ви далудихъ зун гала!"
Мачхул ксар чпин чIуру крарал.
Зални пара гьалтна кьве чин алайбур,
Кьвечхел мез кьве жуьреда рахадай.
Винелай чеб "зи хийирдихъ галайбур",
Кьулухъай зун кендирагъ хьиз жакьвадай.
Къуй кIамай кьван, я кас, чпиз рахурай,
Къуй кхьирай чпин мецин запабар.
Гьа як алай чкаяр, къуй, жакьурай,
Анжах сагъдиз турай язух кIарабар.
Бязибуру ажеб аладариз мез
© Copyright: Тамила Хуршидова Салманова, 2024
Свидетельство о публикации №124020608317
Свидетельство о публикации №124020608317
Рецензии