Вакай к1ани заз яр кьадай,
Вуна к!анид лагьанайт1а.
Лув гана зун цавай къведай,
Зун герек я лагьанайт1а.
ЗИ ЖАВАБ
*********
Гьик1 закай на яр кьадай,
Икьван гагьди зун инкарай,
За к1аниди вун лагьанай,
Таниш хьайла чун яргъарай.
Гила зунни хьанва кьуьзуь,
Рехи хьана Шалбуз дагъ хьиз.
Вак са рехне квач хьи куьлуь,
Цуькведава женнет багъ хьиз.
Айиб туш хьун к1анивални,
Рик1из меслят гуз жедайд туш,
Чизва заз ви къенивални,
Кьисмет хьун чаз къе гудайд туш.
К1анивилин сирер рик1е,
Амаз фида, тергна дуьне,
Т1вал эцягъиз тахьуй хире,
Вун авай рик1 хуьда къене.
06.02.2024.
Са руша заз
© Copyright: Нажмудин Шихнабиев 2, 2024
Свидетельство о публикации №124020603342
Свидетельство о публикации №124020603342
Рецензии