*М.М.*
Непрадказальнасцю сваёй здзіўляе снежань:
Звычайны вечар напаўняе хваляваннем.
Увесці нельга ў зман пачуцці і жаданні, -
Значыць была сустрэча ваша непазбежнай.
Перад вачыма мітусіліся разгульна
Блішчаста-мокрыя сняжынкі ў карагодзе,
Нарэшце сцішылася думак-мар разводдзе,
І побач з ім душа адчула сябе ўтульна.
Ва ўсеабдымнай цішыні - агнёў стракатасць,
Плылі два цені ўздоўж па сцежцы волкай,
Не заўважаючы нічога за гаворкай,
Што ім прыносіла затоеную радасць.
05.01.2024
Фота аўтара
Непрадказальнасць
© Copyright: Инна Михайлова 2, 2024
Свидетельство о публикации №124020506872
Свидетельство о публикации №124020506872
Рецензии